Вандруй па Мёрскім раёне з дадаткам «Міёры Go»!
Апошнія навіны,Навіны рэгіёнаў ад 5 мая 2022 года
У рамках праекта «Разам для грамады і прыроды: Міёрскі раён» пры фінансавай падтрымцы Еўрапейскага саюза распрацаваны мабільны дадатак «Даведнік па Міёрскім раёне» з працоўнай назвай «Міёры Go!». Яго мэта — прыцягваць турыстаў.
Мабільны дадатак складаецца з двух лагічных модуляў — каталога і квэста. Першы дапаможа з лёгкасцю знайсці ўсе славутасці, а таксама ключавыя аб’екты інфраструктуры раёна (аб’екты харчавання, пражывання, АЗС, медыцынскага абслугоўвання і г.д.). Другі закліканы ўцягнуць карыстальніка ў працэс вывучэння Мёршчыны ў гульнявой форме.
Пры наведванні адной з славутасцяў, якую прапануе модуль квэстаў, дадатак мяняе статус удзельніка. Па меры выканання заданняў павялічваецца ўзровень гульца. Сваімі поспехамі можна падзяліцца з сябрамі праз сацыяльныя сеткі. Увесь функцыянал дадатку даступны афлайн. Спампаваць дадатак можна ў Арр Store і Google Play — для гэтага ў пошуку любой з гэтых платформ увядзі «Миоры Go». Падтрымліваюцца сацыяльныя сеткі: «Facebook», «Вконтакте», «Одноклассники», «Instagram».
Крыніца: mioryregion.by
Падзяліся артыкулам у сацсетках: