Калі вы знайшлі памылку, калі ласка, вылучыце фрагмент тэксту і націсніце Ctrl+Enter.
Чарвяк — земляны інжынер 
Апошнія навіны,Навіны Беларусі ад 18 красавіка 2022 года
Дажджавыя чарвякі вельмі важныя для любых экасістэм. Іх ядуць практычна ўсе: краты, вожыкі, мядзведзі і нават некаторыя совы. І нездарма: у чарвяках шмат бялкоў.
Нялёгка выцягнуць смачнае з-пад зямлі. Алена Белка, t.me/ptushkafota.
Некаторыя чайкі і кулікі часам выманьваюць земляных чарвякоў, тупаючы нагамі і імітуючы падзенне кропель дажджу. Глядзі відэа:
Чым яшчэ карысныя чарвякі для экасістэм?
Яны:
- насычаюць глебу кіслародам, што важна для іншых падземных арганізмаў, у тым ліку аэробных бактэрый;
- рыхляць глебу, і ў выніку туды лягчэй трапіць вадзе і іншым арганізмам, лягчэй прарастаць караням раслін;
- зацягваюць з паверхні апалае лісце, паглынаюць арганічныя рэшткі, раскладаюць іх, і такім чынам узбагачаюць глебу рэчывамі, якія могуць быць засвоены раслінамі.
Нездарма чарвякоў называюць землянымі інжынерамі!
Даследаванні паказалі, што змены клімату і ў экасістэмах моцна адбіваюцца на колькасці чарвякоў.
Дапамажы чарвякам, якія падчас дажджу трапілі на асфальт, дасягнуць зямлі.
Падзяліся артыкулам у сацсетках: